Dijòus 19 d’octobre de 2023
Matin : Visita guidada de la cooperativa formatgièra « Jeune Montagne » de Laguiòla.
Guy Bouloc, nòstre guida e ancian quadre de l’entrepresa nos a fach un expausat complet de l’istoric, tre la naissença a la debuta de las annadas 1960 a uèi. Puèi, dins la galariá, sas explicas an portat sus la produccion, e avèm vistes los formatgièrs al trabalh.
Grand mercé a Guy nòstre clavaire.
De mai,dins aquesta galariá avèm pogut remirar las fotòs de « Loz’Aubrac » del festenal Phot’Aubrac, encara en plaça.
Dinnar : « Chez Colette » a Cassuèjols : un deliciós repaís regional !
Après-dinnar : Visita guidada del « Musée des Cornemuses du Monde » a Vines de Cantoin, que contunham, nosautres, de sonar « Musèu de la Cabreta ». Nòstre guida, Stefan, co-responsable del musèu, nos a facha una presentacion complèta, istorica e, tanben, plena d’istorietas, de poesia e, subretot, de musica !
Gran mercé a Stefan qu’es tanben sòci de « Les Amis de Joseph Vaylet – Occitans en Roergue-Naut »
Imnes a la cabreta dels Majorals Josèp Vaylet e 
Zefir Bòsc
