L’an 2023 es estat marcat per mantunas manifestacions en Provença e dins Roergue a la memòria de Joan-Enric Fabre.
Los 13,14 e 15 d’octobre de 2023, lo Felibrige e sas Mantenenças de Provença e de Gasconha- Naut-Lengadoc , an fach omenatge al Majoral « Felibre di Tavan », poèta, musician que foguèt J.E . Fabre, fòra lo grand entomologista Joan-Enric Fabre que nos leguèt una òbra immensa .
La jornada del dimenge 15 d’octobre de 2023, consacrada a l’enfant del país, se debanèt a Sant Leons de Leveson en Roergue.
Lo matin, ceremonia al pè de l’estatua de J.E.Fabre : racontes a prepaus de sa vida e de sas recercas, de son estatua, dichas del Capoulié P.Reynard, de la Reina del Felibrige e de la Sindic de la Mantenença Gasconha- Naut- Lengadoc . Depaus d’una garba e, enfin, visita de l’ostal naissedor amb una guida de « Les Amis de Jean-Henri Fabre ».
Mièja jornada : aperitiu e repaís al restaurant de Micropolis.
Après-dinnar : animacion-espectacle presentada pel Vice-Sindic de Roergue, G.Assier, amb las Escòlas felibrencas « L’escloupeto de Rodés » e « Les Amis de Joseph Vaylet-Occitans en Roergue-Naut » : dansas de Roergue, lecturas (extraches Vaylet, Y. Balard, J.H. Fabre), cants .
E per acabar, visita guidada de Micropolis, ostal de las bestioletas , tant caras a « l’Homère des insectes »( V .Hugo)